Zëvendëskryeministri Besnik Tahiri bashkë me ministrin e Bujqësisë, Pylltarisë dhe Zhvillimit Rural Besian Mustafa, takuam përfaqësuesit e Fondacionit për të Drejtat e Kafshëve, ku kanë diskutuar rreth masave të uljes së shumimit të qenve endacakë në Kosovë.

Tahiri, përmes një postimi në Facebook, ka shkruar se në këtë takim u vendosë që të finalizohen amandamentimet ligjore me qëllim që të filloj regjistrimi i kafshëve shoqëruese, në mënyrë që mbajtësit e qenve dhe mbarështuesit të regjistrohen dhe puna e tyre të monitorohet. /arbresh.info/

Postimi i plotë:

Me ministrin e Bujqësisë, Pylltarisë dhe Zhvillimit Rural z. Besian Mustafa, takuam përfaqësuesit e Fondacionit për të Drejtat e Kafshëve, përfaqësuesin nga Agjensia e Ushqimit dhe Veterinarisë së Kosovës, z. Lahi Brahimaj si dhe drejtorin e Drejtorisë për Mirëqenien e Kafshëve,  Sadik Heta për të diskutuar rreth masave të uljes së shumimit të qenve endacakë në Kosovë.

Vendosëm që të finalizohen amandamentimet ligjore me qëllim që të filloj regjistrimi i kafshëve shoqëruese, në mënyrë që mbajtësit e qenve dhe mbarështuesit të regjistrohen dhe puna e tyre të monitorohet. Qentë endacak burojnë nga qentë me mbajtës (pronarë) dhe ne duhet të punojmë përmbajtësisht që ky problem të zgjidhet në mënyrë të qendrueshme