Dialogu me Serbinë temë diskutimi mes Thaçit e Hoyt Yee

17:04 | 25 Tetor 2017
M. A.

Presidenti i Kosovës, Hashim Thaçi në takimin me zëvendës ndihmës Sekretarin e Shtetit, Hoyt Brian Yee, ka thënë se kanë biseduar për çështje të rëndësishme për Kosovë.

Temë e diskutimeve sipas Thaçit kanë qenë roli i SHBA-së në rajon, liberalizmi i vizave dialogu me Serbinë.

“Kemi biseduar për marrëdhëniet bilaterale, për rolin e SHBA-së në rajon, për prioritetet e Kosovës, ato imediate, si liberalizimi i vizave dhe dialogu e deri te ato të përhershme, si zhvillimi ekonomik dhe forcimi i sundimit të ligjit”, ka shkruar Thaçi në facebook.

Ai ka thënë se Kosova është mirënjohëse për përkrahjen e vazhdueshme të SHBA-së në të gjithë sektorët e jetës në Kosovë.

“Do të qëndrojmë në miqësi të përhershme dhe marrëdhënie speciale me SHBA-në”, ka shkruar Thaçi.