Detaje të reja janë mësuar nga ngjarja e djeshme që tronditi qytetin e Mynihut në Gjermani, ku një grua me origjinë nga Kosova u plagos rëndë me thikë nga bashkëshorti i saj, gjithashtu kosovar, në prani të djalit të tyre shtatë-vjeçar.

Siç raporton mediumi gjerman ‘Bild’, S.K. (33 vjeç) ka goditur bashkëshorten e tij, S. K. (31 vjeçe), mbi pesë herë me thikë.

Pas sulmit, S.K. nuk u largua nga vendi i ngjarjes, por qëndroi aty dhe fliste në telefon, ndërkohë që gruaja e tij ishte në gjendje kritike.

Çifti, që ka dy fëmijë – një vajzë 4 vjeçe dhe një djalë 7 vjeç – kishte pasur raporte delikate për vite me radhë.

Bildi ka raportuar se i dyshuari ka precedent penal dhe ka qenë i dënuar më parë për dëmtim trupor dhe shkelje të urdhrit të mbrojtjes ndaj gruas së tij.

Ai ishte dënuar me 300 ditë gjobë pasi më 17 janar kishte sulmuar Sabrinën dhe e kishte tërhequr për flokësh, duke shkaktuar dëmtime në fytyrën e saj.

Atij iu ndalua të afrohej në më pak se 100 metra nga banesa e saj, por ai kishte shkelur këtë ndalim katër herë./Arbresh.info

LEXO EDHE:

Munih: Burri ther me thikë gruan në sy të djalit 7-vjeç, raportohet se janë nga Kosova