Një përleshje ka ndodhur sot mes disa personave në fshatin Strellc të Epërm të Deçanit.

Lidhur me ngjarjen, Policia e Kosovës ka dhënë detaje për mediat.

Zëdhënësi i Policisë, Fadil Gashi, deklaroi se fillimisht autoritetet ishin lajmëruar për një aksident trafiku.

“Stacioni policor në Deçan është njoftuar për një aksident në fshatin Strellc. Kur kanë arritur në vendin e ngjarjes kanë kuptuar se ka të bëjë me një përleshje mes dy personave në një lokal , pastaj kanë dalë jashtë dhe njëri prej tyre e ka goditur tjetrin me veturë dhe është larguar. Nuk kemi informacione për të vrarë. Tash janë njësitet policore atje dhe e shohin se cka ka ndodhë”, ka deklaruar Gashi.

Ai shtoi se njësitet policore kanë dalë në vendin e ngjarjes dhe po hetojnë rrethanat e incidentit.