Mbrëmjen e së hënës Policia e Kosovës ka arrestuar edhe pesë deputetë të  tjerë të Kuvendit të Kosovës.

Policia ka arrestuar nënkryetaren e Kuvendit, Aida Dërguti, kryetarin e grupit parlamentar të Vetëvendosjes,  Glauk Konjufca, si dhe deputetët: Besa Baftiu, Fisnik Ismajli dhe Faton Topalli, transmeton arbresh.info.

Ndërsa numri total i deputetëve të arrestua nga Policia e Kosovës është 13. Nga radhët e Lëvizjes Vetëvendosje janë arrestuar tetë deputetë: Albin Kurti, Albulena Haxhiu, Aida Dërguti,  Besa Baftiu, Glauk Konjufca, Faton Topalli, Fisnik Ismaili dhe Ismajl Kuteshi. Nga Aleanca për Ardhmerinë e Kosovës janë arrestuar , Donika Kadaj- Bujupi, Pal Lekaj, Time Kadrijaj, Teuta Haxhiu, dhe nga NISMA Haxhi Shala.

Në një njoftim të Lëvizjes Vetëvendosje thuhet se arrestimi i pesë deputetëve në dalje të Kuvendit, në mbrëmjen e datës 14 dhjetor 2015, është skandali i fundit që ndodh me pseudo-demokracinë e Veselit, Mustafës dhe Thaçit.

Të gjithë këta deputetë që gëzojnë imunitetin e deputetit, janë arrestuar sepse kanë hedhur gaz lotsjellës në hapësirat e Kuvendit të Kosovës, kështu duke shprehur pakënaqësitë e tyre për dy marrëveshjet  e nënshkruara kohë më parë nga Qeveria e Kosovës, atë për Asociacionin e komunave Serbe dhe për Demarkacionin me Malin e Zi./Arbresh.info