Anëtarja e Komisionit për Punë të Jashtme nga Lëvizja Vetëvendosje, Aida Dërguti  tha se është jo serioze nga ana e Qeverisë që ta procedojë për në Kuvend projektligjin për demarkacionin e për të cilin tha se është vetëm raport preliminar, raporton arbresh.info

“Më duket jo shumë serioze që të procedohet një projektligj e që ju thoni se është raport preliminar e përfaqësuesit e qeverisë nuk janë këtu. Pse e ka proceduar projektligjin me një raport preliminar, sepse ne nuk mund të marrim vendim si një kuvend me raporte preliminare”, ka thënë ajo.

Komisioni për Punë të Jashtme, Diasporë dhe Investime Strategjike ka mbajtur mbledhje në të cilën është shqyrtuar Projektligji për Ratifikimin e Marrëveshjes për Kufirin Shtetëror në mes të Republikës së Kosovës dhe Malit të Zi./Arbresh.info/