Ish-nënkryetarja e Vetëvendosjes, Aida Dërguti, ka reaguar pas konfirmimit se është bastisur banesa e Adil Behramajt, ish këshilltar i presidentit të Kosovës, Hashim Thaçi.

Përmes një shkrimi në Facebook, Dërguti është shprehur se bastisja e banesës së ish-këshilltarit të Hashim Thaçit është bërë për shkak të një editoriali të tij në Facebook.

Tutje, Dërguti ka theksuar se nëse arsyeja e bastisjes se Adil Behramit është editoriali i tij, atëherë në shenjë të përkrahjes, ia ka ripostuar deklaratën.

“Nëse arsyeja e bastisjes së Adil Behramit qenka editoriali i tij, atëherë në shenjë të përkrahjes, po ia ripostoj deklaratën” – u shpreh ajo në Facebook.

Ky është statusi i Adil Behramajt i publikuar nga Aida Dërguti:

“Bashkësia ndërkombëtare e detyroi Kosovën ta themelonte Gjykatën Speciale për t’i adresuar akuzat e rreme të raportit të Dick Martyt. Por, kur ata nuk ishin në gjendje të gjenin prova për t’i mbështetur ato pretendime, Zyra e Prokurorit të Specializuar doli me pretendime të reja për ta justifikuar mashtrimin e tyre. Një mashtrim i tillë nuk do të ishte toleruar në asnjë shtet të Bashkimit Evropian, por po tolerohet gjithmonë kur viktima të mashtrimit janë shqiptarët” është pjesa e ndarë nga Dërguti. /arbresh.info/

lexo edhe:

Bashkëpunëtori i Adil Behramaj: Bastisja skandal i paprecedent nga Specialja