Listës së personave që iu është verifikuar pasuria, iu janë shtuar edhe deputetët e rijnë që për herë të parë janë pjesë e Kuvendit të Kosovës.

Ndonëse emër jo shumë i njohur për publikun dhe e re në moshë, Rrezarta Krasniqi, deputet e LDK-së, duket se qëndron mirë me pasurinë që ajo posedon, shkruan arbresh.info.

Në Agjencinë kundër Korrupsionit, ajo ka deklaruar një shtëpi me sipërfaqe 150m², në vlerë prej 90 mijë eurove, që është trashëgimi nga prindërit.

Krasniqi po ashtu, para të gatshme të mbajtura në institucione financiare ka 540 euro.

Ndërsa, të hyra vjetore që i ka nga Kuvendi i Kosovës si deputete, ka 1.400 euro, ku ndër të tjera ka shënuar se këto para ende nuk i ka pranuar si pagën mujore, por sipas saj duhet të jetë përafërsisht 1400 euro./E.Ballazhi/Arbresh.info