Deputetja Time Kadriaj nga Aleanca për Ardhmërinë e Kosovës (AAK),  e cilëson si njeri pozitiv dhe i respektuar, Bedri Hamzën, i cili u zyrtarizua të mërkurën si kandidati i Partisë Demokratike të Kosovës (PDK) për kryeministër në zgjedhjet e ardhshme.

“Sa e njoh Bedri Hamzën, është njeri i respektuar, është njeri punëtor, ka qenë ministër, është pozitiv”, shprehet Kadrijaj.

Ajo, thotë se e respekton vendimin e PDK-së dhe se kjo parti e ka lirinë e propozimeve.

Ndërsa, shton se ka respekt gjithashtu edhe për Bedri Hamzën si individ.

Ndryshe, kryetari i Partisë Demokratike të Kosovës, Memli Krasniqi të mërkurën ka njoftuar se Bedri Hamza do të jetë kandidat i PDK-së për kryeministër të Republikës së Kosovës.

Kryetari Krasniqi, në një konferencë për media, tha se Hamza është njeriu i duhur për këtë pozitë dhe për kohën në të cilën po kalon Kosova, andaj edhe i ka kërkuar që të marrë këtë përgjegjësi.

Edhe nënkryetarja e PDK-së, Vlora Çitaku e mirëpriti lajmin për propozimin  të Bedri Hamzës për kryeministër të vendit.

Ndryshe, Bedri Hamza aktualisht është kryetar i Mitrovicës./Arbresh.info/Kujtesë Berisha/

LEXO EDHE:

“Kandidatura e Bedri Hamzës për kryeministër, zbehë jashtëzakonisht fuqinë e Vetëvendosjes”

Krasniqi propozon Bedri Hamzën kandidat të PDK-së për kryeministër: Do t’i japim Kosovës drejtim të ri