Deputetët e Listës Serbe nënshkruhen për të mos humbur mandatin dhe nuk qëndrojnë në seanca

10:43 | 14 Shtator 2023
E.H

Deputetët e Listës Serbe që pas dhënies së betimit me 17 nëntor 2022, asnjëherë nuk kanë qëndruar në seancat e Kuvendit të Kosovës.

Të njëjtit vetëm kanë hedhur nënshkrimet çdo gjashtë muaj për të mos e humbur mandatin e deputetit.

Një gjë të tillë e kanë bërë edhe sot deputetët e LS-së, të cilët siç raporton Arbresh.info, vetëm kanë hedhur nënshkrimin dhe janë larguar nga salla.

Deputetët që po nënshkruaj dhe nuk po i mbajnë seancat janë: Millan Kostiq, Zoran Maksimoviq, Olivera Zdravkoviq, Milan Joksimoviq,

Ksenja Bozoviq, Rados Mihajlloviq, Nenad Radenkoviq, Svetisllav Jokiq e Biljana Maksiq të Listës Serbe dhe Zvelko Velkoviq nga partia Iniciativa Qytetare për Liri, Drejtësi dhe Mbijetesë./Arbresh.info/