Njohësi i çështjeve evropiane Demush Shasha e ka krahasuar situatën mes Rusisë e Ukrainës me  idenë e krijimit të Asociacionit të Komunave Serbe në Kosovë.

LUFTA NË UKRAINË, RAMBO DHE ZAJEDNICA

Ideja e krijimit të Asociacionit të Komunave Serbe në Kosovë ka qenë temë polarizuese në politikën e Kosovës. Kush kish menduar se 4 vite më vonë e njëjta ide do jetë betejë e radhës në mes Rusisë (lindjes) dhe Ukrainës (perëndimit).

Nga viti 2014, Rusia dhe Ukraina janë në luftë për rajonet e Donetskut dhe Luhanskit. Ky është territor i Ukrainës, por me prezencë të lartë të minoritetit Rus. Rusia ka pushtuar këto dy rajone nën arsyetimin se po e mbron minoritetin Rus nga agresioni i shtetit të Ukrainës.

Pas shumë viteve luftë e cila solli 13,000 viktima, atëherë Ministri i Jashtëm i Gjermanisë, e tash President i Gjermanisë, Frank-Ëalter Steinmeier , ka dal me një ide se si të ndalet lufta dhe të kthehet paqja. Ky propozim paqeje u bë i njohur si ‘formula e Steinmeierit’: Forcat ushtarake të Rusisë të tërhiqen, Ukraina të organizoj zgjedhje në këto dy rajone nën mbikëqyrjen e OSBE-së dhe të garantoj status të veçantë për këto dy rajone.

Presidenti i ri i Ukrainës, Zelenskiy, ka mbështet idejen duke argumentuar se e sjell paqen dhe e kthen territorin në fjalë nën kontrollin e Ukrainës. Kundërshtaret e tij politik konsiderojnë se ofrimi i statusit të veçantë për këto dy territore është tradhti dhe kapitullim para Rusisë.

Në këtë kontekst, dje në Paris janë takuar liderët e Francës, Gjermanisë, Rusisë dhe Ukrainës për të diskutuar avancimin e paqes në mes Rusisë dhe Ukrainës. Ndërsa, ata kanë zhvillu takim në Paris, në Kiev, focrat ushtarake të Ukrainës kanë diskutuar Asociacionin e Komunave Serbe në Kosovë, aka Zajednica, dhe non other then, Ramush Haradinaj, aka Rambo.

Tani, nuk e dimë kontekstin dhe natyrën e diskutimit të tyre për Asociacionin dhe Ramushin, por me gjasë nuk ka të bëjë me ndikimin e tyre në ngrohjen globale.

Në gjithë këtë mes, është impresive se çfarë niveli koordinimit kanë forcat e lindjes për të avancuar interesat e tyre, qoftë në Kosovë apo Ukrainë. Rrjedhimisht idetë të cilat në sipërfaqe nganjëherë duken të pafajshme, sikur Asociacioni apo ide të tjera, asnjëherë nuk guxojnë të nënvlerësohen për nga qëllimet e tyre të rrezikshme.