Kompania Rajonale e Ujësjellësit “ Prishtina ” sh.a., njofton konsumatorët, se ka dëmtim të gypit të ujit me diametër fi-200 mm, në afërsi të stacionit të vjetër të trenit, mbi lagjen” Lakrishte” në Prishtinë.

Ekipet e mirëmbajtjes dhe operimit janë në vend ngjarje dhe po merren me sanim, thuhet në njoftimin e KRU “Prishtina”, transmeton arbresh.info.

Në njoftim thuhet se deri në përfundimin e sanimit pa ujë të pijshëm janë: pikat e larta të lagjes “Dardania” në Prishtinë, lagjja “Lakrishte”, rreth vend ndodhjes së dëmtimit të gypit, një pjesë e lagjes Arbëria që lidhet me lagjen Lakrishte dhe FSK-ja.

Në fund KRU “Prishtina”, ka kërkuar mirëkuptim derisa angazhimi i ekipeve teknike është i madh!/Arbresh.info