Delawie: Mbështesim të drejtën për protestë, po jo edhe dhunën

20:13 | 16 Shkurt 2016
M. A.

Nëpërmjet Twitter-it, ambasadori amerikan në Kosovë, Greg Delawie, ka komentuar edhe njëherë protestën që opozita planifikon ta mbajë nesër.

Sipas Delawies, SHBA-ja mbështet plotësisht demokracinë në Kosovë, përfshirë edhe të drejtën për të protestuar paqësisht. “Kjo e drejtë nuk përfshinë përdorimin e dhunës”, ka theksuar ambasadori amerikan.

“Kosova ka shkuar shumë larg për t’u kthyer prapa”, ka shkruar tutje Delawie.

Nëpërmjet një cicërime tjetër, Delawie tërheq vërejtjen se “ata që zgjedhin dhunën, po e drejtojnë Kosovës në rrugën e izolimit”.

Ndërsa, në një cicërimë tjetër, Delawie shkruan se dhuna politike nuk përputhet me demokracinë, me të ardhmen euro-atlantike të Kosovë dhe me Ditën e Pavarësisë.