Ish-ambasadori i Shteteve të Bashkuara të Amerikës në Kosovë, Greg Delawie, u ka bërë thirrje pesë shteteve anëtare të BE-së, që ta njohin pavarësinë e Kosovës.

Përmes një shkrimi në Twitter, Delawie ka bërë thirrje këtyre shteteve të cilat ende nuk e kanë njohur Kosovën ta njohin, për shkak se sipas tij, në këtë mënyrë mund të kontribuojnë për paqen e qëndrueshme në Ballkan, shkruan Arbresh.info.

Ai ka shpërndarë një shkrim të kolumnistit dhe asistentit kërkimor nga Spanja, Juan García-Nieto, ku flet për Kosovën dhe rëndësinë e njohjes nga të gjitha vendet e Bashkimit Evropian.

“Është padyshim koha që Spanja, Qiproja, Rumania, Sllovakia dhe Greqia ta njohin realitetin e pavarësisë së Kosovës dhe të kontribuojnë për paqen e qëndrueshme në Ballkan”, ka shkruar Delawn.

Kurse në shkrimin e García-Nieto, thuhet se mosnjohja e Kosovës nga të gjithë anëtarët e BE-së, dëmton politikën e jashtme të BE-së në Ballkan dhe perspektivën e Kosovës për shtetësi.

“Megjithatë, 15 vjet pas shpalljes së pavarësisë, Kosova është larg të qenit plotësisht sovrane. Statusi i saj mbetet i diskutueshëm në disa qarqe, duke përfshirë në Bashkimin Evropian, pasi pesë vende anëtare ende refuzojnë të njohin pavarësinë e tij: Qiproja, Greqia, Rumania, Sllovakia dhe Spanja. Përkundër kësaj dhe ndoshta në mënyrë paradoksale, Kosovës iu dha statusi i kandidatit për në BE në dhjetor 2022”, tha García-Nieto./Arbresh.info/