Në Kompleksin “Fetnete Ramosaj” u organizua “Dita e Gështenjës”, një festë tradicionale kushtuar këtij fruti simbol i begatisë së trevës.

Në këtë manifestim morën pjesë kryetari i Deçanit, Bashkim Ramosaj, lideri Ramush Haradinaj, artistë dhe shumë qytetarë.

Kryetari i Komunës së Deçanit, Bashkim Ramosaj, falënderoi piktorët për kontributin e tyre, duke theksuar rëndësinë e artit dhe kulturës në ruajtjen e traditave lokale.

“Në kuadër të këtij manifestimi u organizua panairi i produkteve vendore, ku prodhuesit tanë lokalë prezantuan punën dhe përkushtimin e tyre, si dhe ekspozita e pikturave të artistëve që për tre ditë me radhë qëndruan në Deçan, duke sjellë në telajo bukuritë e natyrës dhe shpirtin e vendit tonë. Një falënderim i veçantë për piktorët që me krijimtarinë dhe pasionin e tyre e pasuruan këtë ngjarje dhe lanë gjurmë artistike në qytetin tonë. Këtij aktiviteti iu bashkua edhe lideri ynë, Ramush Haradinaj, së bashku me qytetarë të shumtë që e bënë këtë ditë edhe më të veçantë”, shkroi ai./Arbresh.info