Kandidati për deputet nga radhët e Aleancës për Ardhmërinë e Kosovës (AAK), Daut Haradinaj, ka falenderuar Turqinë për përkrahjen e vazhdueshme ndaj Kosovës.

Haradinaj ka thënë se është gabim të lihen anash kompanitë amerikane me letra mbi tavolinë, shkruan Arbresh.info.

“Është gjithmonë lajm i mirë kur Kosova avancon në sektorin e sigurisë dhe prodhimit të municionit. Por të lihen anash kompanitë amerikane me letra mbi tavolinë, është gabim. Falënderues ndaj Turqisë për përkrahjen e vazhdueshme, mirëpo çdo gjë që ka të bëjë me ushtri, municion e siguri – i jemi borxhli të përjetshëm Amerikës. “, ka shkruar ai.

“Gabim në hapa, njësoj sikur me energjetikë, me anulimin e kontratës me Contour Global për ndërtimin e termocentralit Kosova e Re dhe me anulimin e projektit të gazsjellësit amerikan.”, shtoi Haradinaj.

“P.S. Publiko kontratën Kryeministër! Boll mo.”, tha mes të tjerash ai.

Ndryshe, Qeveria e Republikës së Kosovës ka nënshkruar sot marrëveshje me prodhuesin shtetëror turk të industrisë së mbrojtjes “Makine ve Kimya Endüstrisi” për funksionalizimin e fabrikës së municioneve në Kosovë, e cila do të prodhojë kalibra të ndryshëm të municioneve sipas standardeve të NATO-s./Arbresh.info/

LEXO EDHE:

Nënshkruhet kontratë me fabrikën e municioneve turke, Kurti: Po vihen themelet e industrisë së mbrojtjes