Çitaku: VV e ka uzurpuar Kuvendin – Propozimi për Kryetar është dashur patjetër të hidhej në votim

16:21 | 21 Prill 2025
E.G

Deputetja nga Partia Demokratike e Kosovës (PDK), Vlora Çitaku ka reaguar pas dështimit për herë të katërt të seancës konstituive duke thënë se VV e ka uzrupuar Kuvendin.

Sipas saj, Kryesuesi i seancës “e shkeli me të dy këmbët” Rregulloren e Kuvendit, shkruan Arbresh.info.

Çitaku tha se propozimi i VV-së për Kryetar është dashur patjetër të hidhej në votim.

“VV e ka uzurpuar Kuvendin. Sot, Kryesuesi i seancës e shkeli me të dy këmbët Rregulloren e Kuvendit. Propozimi i VV-së për Kryetar është dashur patjetër të hidhej në votim.”, u shpreh ajo.

“Pas kësaj, është në dorën e deputetëve të vendosin me votë, pro apo kundër. Ajo që pamë sot është marrëzi totale dhe shkelje e rëndë e demokracisë parlamentare.”, tha mes të tjerash ajo./Arbresh.info/