Çitaku pas dorëheqjes së Krasniqit: do të qëndrojmë të bashkuar për një PDK edhe më të fuqishme

16:57 | 12 Nëntor 2025
E.H

Deputetja e Partisë Demokratike të Kosovës, Vlora Çitaku ka reaguar pas dorëheqjes së Memli Krasniqi nga posti i kryetarit të partisë.

Me anë të një postimi në Facebook, Çitaku tha se Krasniqi e mori drejtimin e PDK-së në rrethana të vështira.

“Faleminderit Memli, E more drejtimin e PDK-së në rrethana të vështira. E ruajte, e rrite dhe e fuqizove, jo vetëm në vota, por edhe me kuadro të reja, energji dhe vizion. Sot, pas katër vitesh që e udhëheq Partinë, respekti për ty vetëm më është rritur. Një lideri nuk i mjafton vetëm dija, i duhet edhe karakteri i fortë dhe zemërgjerësia. Ti i ke të dyja. Me falënderim, me respekt dhe me bindjen se do të qëndrojmë të bashkuar për një PDK edhe më të fuqishme”, ka shkruar Çitaku./Arbresh.info