Sekretarja e Përgjithshme e PDK-së, Vlora Çitaku ka reaguar ashpër ndaj deklaratës së ministrit në detyrë të Financave, Hekuran Murati i cili ia atribuoi meritat e liberalizimit të vizave Qeverisë Kurti.

Çitaku i tha Muratit se kontributi juaj i vetëm në procesin e liberalizimit të vizave ka qenë gazi lotsjellës dhe vonesat disa¬vjeçare, shkruan Arbresh.info.

Përmes një postimi në Facebook, Çitaku ironizoi me VV-në duke thënë se “veç kur të na tregoni një ditë se ju e keni shpallur edhe Pavarësinë e Shqipërisë, edhe e keni çliruar Kosovën”.

Ajo e akuzoi ministrin se po merret me “gjëra koti” në vend që të adresojë problemet ekonomike dhe sociale me të cilat, sipas saj, përballen qytetarët.

“Mos u merr me gjëra koti. Dil pak dhe shko vetëm në një barnatore, e ke me i pa qytetarët tanë duke mos pasur para as barnat me i pagu. Dil dhe takoje ndonjë pensioner, e të tregon se si po duhet me kursy nga buka e gojës për t’i paguar faturat e energjisë elektrike. Kryeje ndonjë punë tënden, e pastaj krekosu”, ka shkruar Çitaku. /Arbresh.info

Postimi i plotë:

LEXO EDHE:

Murati u përgjigjet akuzave për “izolim”: Dikur duhej 6 muaj pritje për vizë, sot udhëton brenda ditës