Kandidati për kryetar të Prishtinës nga VV, Hajrullah Çeku ka vizituar dje Organizatën Down Syndrome Kosova, e themeluar në vitin 2007.

Me anë të një postimi në Facebook, Çeku vlerësoi lartë punën e jashtëzakonshme të prindërve dhe stafit që çdo ditë angazhohen për mirëqenien e fëmijëve me sindromën Down, transmeton Arbresh.info.

Postimi i plotë:

Sebi, Leonora dhe shumë nëna të tjera ishin dhe janë zëri më i fuqishëm i fëmijëve me sindromën Down. Falë përkushtimit të tyre të jashtëzakonshëm, këta fëmijë kanë arritur të marrin shërbimet dhe mbështetjen që u nevojitet.

Dje vizituam Organizatën Down Syndrome Kosova, të themeluar në vitin 2007 nga prindër të fëmijëve me këtë sindromë. Organizata ofron shërbime falas në pesë qendra: Prishtinë, Mitrovicë, Ferizaj, Prizren dhe Gjilan.

Një organizatë me këtë mision fisnik duhet të ketë mbështetje nga institucionet, në mënyrë që të mos mendojë për buxhet, por vetëm për shërbimet që u ofron familjeve.

Ky takim është pjesë e punës sonë për vizionin Prishtina 2035, një platformë ku barazia dhe kujdesi për të gjithë qytetarët pa përjashtim është shtyllë kryesore./Arbresh.info