Ministria e Kulturës i është drejtuar Dioqezës Rashkë-Prizren dhe Peshkopit Teodosije me një shkresë zyrtare për bashkërendim në ndërhyrjet e nevojshme për restaurimin e sanimin e dëmeve në Manastirin e Basnjkës.

Dioqeza Rashkë-Prizren kishte refuzuar që institucionet e Kosovës të sanimin e  dëmeve në Manastirin e Banjskës në Zveçan, të shkaktuara nga sulmi terrorist i datës 24 shtator, përcjell Arbresh.info.

Ministri i Kulturës, Hajrulla Çeku ka ftuar autoritetet e Kishës Ortodokse Serbe në Kosovë që bashkëveprojnë për këtë qëllim.

“Zotimin e dhënë në mbledhjen e Qeverisë së Kosovës të datës 27 shtator 2023 për sanimin e dëmeve në Manastirin e Banjskës në Zveçan, të shkaktuara nga sulmi terrorist i datës 24 shtator, po e konkretizojmë më shkresën zyrtare drejtuar Dioqezës Rashkë – Prizren. Konform detyrimeve, autorizimeve kushtetuese dhe ligjore ftojmë autoritetet e Kishës Ortodokse Serbe në Kosovë për bashkërendim të veprimeve deri në ndërhyrjet e nevojshme restauruese për sanimin e dëmeve në këtë aset të trashëgimisë kulturore”, ka shkruar Çeku./Arbresh.info