Eugen Cakolli nga Instituti Demokratik i Kosovës ka bërë të ditur se kur anëtarët e kabinetit qeveritarë të japin dorëheqje para certifikimit të rezultateve të zgjedhjeve, atëherë Qeveria kalon në statusin “Qeveria në detyrë”.

Me anë të një postimi në Facebook, Cakolli u shpreh se Qeveria aktuale ushtron të gjitha kompetencat e saj kushtetuese deri në certifikimin e rezultateve të zgjedhjeve të 9 shkurtit, meqenëse mandate i saj lidhet drejtpërdrejt me mandatin e Kuvendit, e jo me përmbushjen e katër viteve nga konsitituimi i Kuvendit.

“Anëtarët e kabinetit qeveritar që janë zgjedhur deputetë duhet të japin dorëheqje para certifikimit të rezultateve. Vetëm atëherë, Qeveria kalon në statusin e “Qeverisë në detyrë” – derisa të zgjidhet Qeveria e re”, ka shkruar Cakolli./Arbresh.info