Bujar Cakolli, zëvendësministër i Inovacionit dhe Ndërmarrësisë njëherit sekretar i degës së PDK-së në Prishtinë ka kritikuar qeverisjen e LDK-së.

Cakolli përmes një postimi në facebook ka shkruar se LDK po tenton të manipuloj qytetarët duke u paraqitur si parti e ndryshimit, ka shkruar ai, shkruan arbresh.info.

Sipas tij shëndetësia në Kosovë gjatë kohës kur është udhëhequr nga LDK ka qenë në kolaps.

“Tendenca e LDK për të paraqitur veten si parti e ndryshimit dhe shpresës, është tendencë për mashtrim dhe manipulim të qytetarit 1. SISTEMI SHËNDETËSOR Ky sektor për vite të tëra është udhëhequr nga tre zyrtarë të lartë të LDK-së, BUJAR BUKOSHI, ALUSH GASHI dhe IMET RRAHMANI. Gjatë qeverisjes së tyre sistemi shëndetësor ka qenë para një kolapsi total si pasojë e paaftësisë menaxhuese, keqpërdorimeve të shumta dhe abuzimeve ku dëmi publik dhe zhvatja është me qindra miliona euro”, ka shkruar ai.

Sekretari i PDK-së ka shtuar gjithashtu se gjatë asaj qeverisje ka pasur abuzime me tender, nepozitëm, joprofesionalizëm e arrestime.

“Sektori i shndetësisë, duke veçuar ai i barnave, ka rezultuar të jetë ndër më të korruptuarit në vend gjatë qeverisjes së këtyre zyrtarëve të lartë të LDK-së.

– Blerja e barnave esenciale prej 10 deri 2000% më të shtrenjta sesa çmimi real i tyre në treg.

– Abuzimet me tenderët për investime kapitale

– Arrestimet dhe burgosjet e zyrtarëve te ministrisë së shëndetësisë

– Mungesa e vizionit për zhvillimin e sektorit shëndetsor

– Nepotizimi, joprofesionalizmi e shumë, shumë të tjera”, ka përfunduar Cakolli. /arbresh.info/