Ish-punëtorët e “IMN Kosova”, kanë protestuar sot para Komunës së Prishtinës.

Ata po kërkojnë që t’ju ndahet 20 përqindëshi,  mbi 270 ish-punëtoreve të  kësaj ndërmarrje.

Sipas ish-punëtorit, Musli Bytyqi, përveç 20 përqindëshit, ata nuk i kanë marruar as tri pagat e fundit, raporton arbresh.info.

“Ne kemi dalur për t’i kërkuar të drejtat e tona. Kërkesa jonë është që të na paguhet 20 përqindëshi dhe tri pagat që nuk na i kanë dhënë. Ne jemi mbi 270  ish-punëtor dhe kemi punuar mbi 20 vite në këtë ndërmarrje. Po kërkojmë vetëm të drejtat tona asgjë më shumë,” deklaroi Bytyqi.

E më i mllefosur është treguar ish-punëtori tjetër, Jakup Cakiqi. Sipas tij të gjithë udhëheqësi e kanë vendin në burg pasi nuk po merren më hallet e qytetarëve.

“Na nuk po kërkojmë kurrgjë tjetër veç të drejtat tona. Na i kanë borxh po as që ja u nin këtyre për ne. Krejt këta e kanë vendin në burgje të Dyzit, jemi lodhë tu i kërku tash e tri vite këto paga,” thotë Cakiqi.

E përfaqësuesi i këtyre punëtoreve Mustafë Krasniqi,  thotë se disa herë kanë takuar kryetarin, Shpend  Ahmeti, por deri tash asgjë nuk ka bërë për t’ja kthyer pagat që i meritojnë. Ai madje paralajmëron se nëse edhe tash nuk ndërmarrin asgjë, atëherë të drejtat e tyre do t’i kërkojnë nga Qeveria./arbresh.info/