Përfaqësuesi i Bashkimit Evropian për Politikë të Jashtme dhe Siguri Josep Borrell, e ka përshëndetur vendimin e Qeverisë së Kosovës për heqjen e taksës ndaj produkteve serbe dhe boshnjake.

Borell, në një postim në rrjetin social Twitter ka thënë se është i lumtur që Qeveria në largim ka marrë një vendim të tillë të rëndësishëm.

“I lumtur që shoh vendimin për heqjen e plotë të tarifave nga qeveria e përkohshme e #Kosovës për mallrat që vijnë nga Serbia dhe BiH. Ky është një vendim i rëndësishëm. Bashkëpunimi rajonal është thelbësor si dhe mirëmbajtja e fluksit të mallrave, veçanërisht në kohën e krizës # COVID19”, ka thënë Borell.

Happy to see the decision on the full lifting of tariffs by #Kosovo caretaker government for goods coming from Serbia and BiH. This is an important decision. Regional cooperation is key as is maintaining flow of goods, in particular in times of crisis #COVID19

— Josep Borrell Fontelles (@JosepBorrellF) March 31, 2020

Kryeministri në detyrë i Republikës së Kosovës, Albin Kurti së bashku me ministren në detyrë të Ekonomisë, Punësimit, Tregtisë, Industrisë, Ndërmarrësisë dhe Investimeve Strategjike në Kosovë, Rozeta Hajdari, në një konferencë të përbashkët për media thanë se ekzekutivi është mbledhur për të marrë vendim për masat e reciprocitetit ndaj Serbisë.