Zëvendëskryeministri në detyrë, Besnik Bislimi, ka bërë të ditur se janë miratuar aplikimet e Kosovës në programin e Bashkimit Evropian – Korniza Investuese për Ballkanin Perëndimor (WBIF).

Sipas tij, Kosova do të përfitojë mbi 2 milionë euro në formë grantesh për projekte në fushën e energjisë dhe digjitalizimit.

“Aprovohen aplikimet e Kosovës në programin e BE-së të Kornizës Investuese për Ballkanin Perëndimor (WBIF), vendi përfiton mbi 2 milionë euro. Përkundër faktit që vendi ynë ishte nën masa të padrejta të BE-së, vitin e kaluar aplikuam në thirrjet e Kornizës Investuese për Ballkanin Perëndimor (WBIF) me katër projekte në fushat e energjisë dhe digjitalizimit”, tha ai.

Ai ka sqaruar se aplikimet e Kosovës fillimisht kanë marrë vlerësim pozitiv nga komisioni përkatës dhe tani është bërë edhe miratimi zyrtar i tyre./Arbresh.info