Besnik Hoti rreth dy muaj më parë u shkarkua nga pozita e zëvendësministit në Ministrinë e Punëve të Jashtme të Republikës së Kosovës, por mbrëmjen e së mërkurën Hoti është  punësuar përsëri në këtë ministri.

Por Hoti këtë herë është emëruar këshilltar i Jashtëm i ministrit të Punëve të Jashtme, Behgjet Pacollit, shkruan arbresh.info.

Këtë e ka bërë publike vet Besnik Hoti përmes një postimi në facebook të cilit i ka bashkangjitur një fotografi me Pacollin.

“Nga sot Këshilltar i Jashtëm i Ministrit të Punëve të Jashtme”, ka shkruar Hoti.

Ndryshe më 30 dhjetor Hoti përmes një postimi publik kishte njoftuar se ishte liruar nga pozita e zëvendësministit në Ministrisë e Punëve të Jashtme të Kosovës.

Hoti pas shkarkimit është larguar edhe nga Nisma Socialdemokrate. Ai madje atë kohë e pati quajtur këtë vendim të paarsyeshëm pasi sipas tij nuk ka asnjë bazë se si nuk ka qenë duke kryer punën mirë./Arbresh.info/