Avokati Besnik Berisha, ka theksuar se presidenti i vendit, Hashim Thaçi, i është nënshtruar një lloj shantazhi gjatë viteve të fundit, nga ana e akterëve të Partisë Demokratike të Kosovës (PDK).

Në RTV Dukagjini, Berisha ka thënë se Thaçi ka qenë njëri nga kontribuuesit kryesor të themelimit të dhomave të specializuara, kur ka qenë në pozitën e zëvendëskryeministrit të parë të Kosovës.

“Të tjerët e shantazhojnë atë, duke i thënë se tash është koha e tij për tu përgjigjur në këtë gjykatë. Ai në deklarimet e tij që ka bërë para pak ditësh, dhe me pas e demantoi, ka thënë se ka marrë premtime, në rast se themelohet Specialja, do të anëtarësohet këtu ose atje. Ndoshta atij personalisht i janë dhënë këso premtime, mirëpo për institucionet e Kosovës nuk ka pasur premtime të tilla”, ka shtuar Thaçi.