Berisha: Kosovarët shpenzojnë miliona euro nëpër klinika private, shkak mungesa e Sigurimeve Shëndetësore

21:05 | 6 Maj 2022

Gazetari dhe analisti kosovar, Ridvan Berisha ka shprehur shqetësimin e tij për gjendjen e rëndë në sistemin shëndetësor në vend.

Sipas tij, miliona euro shpenzojnë kosovarët si pasojë e mungesës së Sigurimeve Shëndetësore, shkruan arbresh.info.

Berisha ka numëruar rastet kur kosovarët shpenzojnë miliona e miliona për të marrë shërbimet esenciale në spitale private.

“Miliona euro kosovaret i harxhojnë vetëm për analiza në laboratorë private. Miliona te tjerë shtrëngohen t’i shpenzojnë për ndërhyrje te ndryshme ne klinika private. Miliona te tjerë shpenzohen për shërime jashtë vendit. Miliona e me miliona euro kosovaret duhet t’i blejnë edhe barnat qe janë pjese e listës esenciale. Nuk ka ligj për Sigurime Shëndetësore”, shkruan Berisha në Facebook.

“Kjo situate ç ‘është e vërteta na shoqëron qe prej përfundimit të luftës. Mjekët janë adresa e parë që përballen me fyerje çdo ditë nga pacientë të mllefosur sepse, sepse qeveritë nuk e kanë njëmend progresin e shërbimeve publike për sa kohë që mjedisi socio- ekonomik thuajse është pikellues edhe ne realitetin e sotëm”, shkruan ai./arbresh.info/

Postimi i plotë:

Shpërndaje në rrjete sociale