Ministri i Inovacionit dhe Ndërmarrësisë, Besim Beqaj ka thënë se shumë shpejt do të ftoj publikisht inovatorët e rinjë vendorë dhe nga diaspora për të paraqitur idetë e tyre në inovacion.

Këtë deklaratë, Beqaj e bëri në një paraqitje para gazetarëve pas një takimi që pati sot me ambasadorin e Britanisë së Madhe në Kosovë, Ruairi O’Connell, shkruan arbresh.info.

Beqaj tha se për këtë ministri është e rëndësishme që idetë inovative të depërtojnë në tregjet e huaja.

“Avancimi i Kosovës mund të bëhet përmes sektorit privat, duhet të hiqen të gjitha barrierat. E njoftova ambasadorin dhe për fondin që do të formohet për ndërmarrësi. Shpejt do të bëjë një ftesë publike për inovatorët vendore dhe të diasporës që të paraqesin idetë e tyre. Ajo çka ministria për inovacion do të shërbej do të jetë edhe një avokat i ndërmarrjeve të vogla dhe të mesme në raport me Qeverinë”, ka thënq Beqaj.

Ai ka deklaruar se shumë shpejt do të formohet edhe Këshilli Kombëtar për Inovacion dhe Ndërmarrësi./arbresh.info/

https://www.facebook.com/arbresh.info/videos/1548491071882646/