Kryetari i Këshillit Kombëtar të Nismës për Kosovën, Jakup Krasniqi, ka shkruar sot mbi politikat e Beogradit dhe zyrtarëve serb.

Krasniqi shkruan në Facebook se politika e Beogradit është të bëjnë vrasje e pastaj të kërcënojnë, dhe kjo është dëshmuar tash e sa dekada.

“Se ajo politikë, ka dekada që është dëshmuar e ridëshmuar se është politikë e krimit dhe e gjenocidit. Pastaj, edhe sot në majat e asaj politike gjinden njerëz që ishin bukur lartë, kur atje, në Beograd projektoheshin dhe ekzekutoheshin politikat e krimit e të gjenocidit. Dhe kjo na është e ditur shumë mirë”, shkruan Krasniqi

Krasniqi shtoi se as shqiptarët e as ndërkombëtaret nuk duhet të bëhën si të shurdhër e të verbër ndaj faktit që në Veriun e Kosovës, pushtetin e kanë bandat e Beogradit që nuk i përgjigjen Kosovës, për të cilat ai thotë se i ka paralajmëruar edhe lideri i SDP-së i vrarë në veri të vendit, Oliver Ivanoviq.

Ky është shkrimi i plotë i Krasniqit në Facebook:

“BËNË VRASJE E PASTAJ KËRCËNO, KJO ËSHTË POLITIKË TIPIKE E KRYEZYRTARËVE TE BEOGRADIT

Sa për politikën e lartë të Beogradit, nuk do ta kisha shkruar as edhe një fjalë të vetme. Po shkruaj për ata që po bëhen se nuk po e shohin krimin.

Pse?

Se ajo politikë, ka dekada që është dëshmuar e ridëshmuar se është politikë e krimit dhe e gjenocidit. Pastaj, edhe sot në majat e asaj politike gjinden njerëz që ishin bukur lartë, kur atje, në Beograd projektoheshin dhe ekzekutoheshin politikat e krimit e të gjenocidit. Dhe kjo na është e ditur shumë mirë.

Të gjithë e dimë, vendor e ndërkombëtar, se çfarë politika janë udhëhequr, se paku në tri dekadat e fundit në hapësirat e ish – Jugosllavisë dhe më të freskat janë ngjarjet që kanë ndodhur në Kosovë në fund shekullin e kaluar (1998- 1999). Ngjarje që pashmangshëm kanë sjell Bombardimet 78 ditësh të NATO-s mbi infrastrukturën ushtarake e policore serbe.

Pastaj, të gjithë ata që janë marrë me politikë atyre viteve dhe merren edhe sot, kanë pasur rastin të dëgjojnë se çka kanë thënë ish zyrtarë e zyrtarë të lartë të tashëm serbë për sulmin në Kafenë “Panda” në Pejë gjatë luftës.

Këta zyrtarë, përfshirë edhe Presidentin e tashëm serbë, por edhe Vuk Drashkoviqi si një nga ministrat e kohës, kanë dëshmuar se “sulmi në atë kafen “Panda” është kryer nga Sigurimi i Shtetit të Serbisë”. E pasta është e ditur se para gjyqit serb janë nxjerr shqiptarët.

Prandaj: Vrasja është parapërgatitur nga ata që po e shfrytëzojnë atë jo vetëm për t’i ndërprerë bisedimet politike që fare nuk është dashur të ndodhin dhe tani kërcënojnë?! Këta, qeveritarët e Beogradit e kanë ndezur zjarrin, e tani po i ngrohin dhe fërkojnë duart në atë zjarr.

As shqiptarët e as ndërkombëtarët nuk duhet të bëhemi të shurdhet e të verbër, që se dimë se në Veriun e Kosovës, pushtetin faktik e kanë bandat e Beogradit që si përgjigjen Kosovës ?! Për të cilat ka paralajmëruar edhe i vrari, Ivanoviq, i cili e kishte ndjerë rrezikun nga ato banda.

Kështu është, kur GJND-ja e ka amnistuar Serbinë nga politikat e saja të gjenocidit?! E tani, ata sillen si viktima?! Dhe jo vetëm kaq, por edhe kërcënojnë. Pse jo! Pasi nga politikat e gjenocidit kanë dalë të pa lagur?!”