Belegu: Oferta e Kurtit për Mustafën e tregon frikën që kanë ndaj Haradinajt

17:26 | 30 Gusht 2019
Arbresh.info

Këshilltari i Kryeministrit në largim, Ramush Haradinaj, Erolld Belegu, ka thënë se oferta e Kurtit për LDK-në e tregon qartë frikën e të gjitha partive për fitoren e AAK-së.

Belegu përmes Facebook ka thënë se këto zgjedhje janë një referendum dhe në të janë dy opsione: Vazhdimësia e forcimit të shtetit të Kosovës dhe pozicionit të saj me politika zhvillimore që mbrojnë e çojnë përpara konceptin 100% shtet – opsion i përfaqësuar nga AAK dhe vazhdimësia e politikave të brishta të kaluara dhe dobësimit të shtetit të Kosovës, duke ruajtur Status Quo-në – opsion i përfaqësuar nga partitë e tjera”, ka shkruar Belegu.

Ai ka thënë se ky është një lajm i mirë për votuesin i cili kurrë nuk i ka pasur më të qarta opsionet dhe idetë për Kosovën.