Bashkimi Evroopian ka reaguar pas kidnapimit të tre policëve të Kosovës nga njësitë speciale serbe.

BE ka thënë se është në kontakt me Prishtën dhe Beogradin, si dhe me KFOR-in, për të mësuar se çfarë ka ndodhur në këtë rast.

”Ne jemi – si çështje urgjente – në kontakt me të dyja palët, si dhe me KFOR-in, për të përcaktuar se çfarë dhe si ka ndodhur saktësisht”, ka thënë aktualisht, zëdhënësi i Bashkimit Europian në një përgjigje për Klan Kosovës.

Tutje ai ka përsëritur thirrjen e BE-së, ndaj Kosovës dhe Serbisë që të përmbahen nga çdo veprim që do mund të çonte në tensionim të situatës.

”Ne i bëjmë thirrje Kosovës dhe Serbisë që të përmbahen nga çdo veprim apo reagim që mund të kontribuojë më tej në ngritjen e tensioneve. Ne përsërisim thirrjen e BE-së për de-përshkallëzimin e menjëhershëm dhe vendimtar”.