Bashkatdhetarët mund të rikthehen në shtetet ku veprojnë, deri të hënën

00:32 | 14 Mars 2020
Trina Galanxhi

Qeverisa e Kosovës ka njoftuar se ka vendosur që të mbyllen të gjithë kufijtë tokësor përveç shtetasve të Kosovës.

Po ashtu u mor vendim që nga 16 marsi të pezullohen të gjitha linjat ajrore.

“Nga 16 marsi pezullohen të gjitha linjat ajrore, përveç atyre ushtarake dhe atyre me ndihmë”, tha Kurti.

Zëdhënësja e Aeroportit Ndërkombëtar “Adem Jashari”, Valentina Gara, ka njoftuar se bashkatdhetarët tanë që momentalisht ndodhen në Kosovë, pra diaspora jonë, e kane mundësinë që të kthehen nëpër shtetet ku jetojnë dhe veprojnë.

Sipas saj, ata këtë mundësi e kanë deri të hënën në ora 24:00.

Pra, edhe pas vendimit të sotëm të Qeverisë për ndalimin e të gjitha fluturimeve, qytetarët tanë nga diaspora që kanë ardhur në Kosovë mund të rikthehen nga kanë ardhur./telegraf/