Komuna e Prishtinës ka emëruar drejtorin e ri të Sportit.

Bëhet fjalë për Bardh Krasniqi, i cili më herët ka qenë basketbollit, ndërsa i është futur politikës me Lidhjes Demokratike të Kosovës (LDK), shkruan Arbresh.info.

Lajmin e ka bërë të ditur kryetari i komunës së Prishtinës Përparim Rama me anë të një postimi në rrjetin social Facebook.

Postimi i plotë:

Të dashur qytetarë dhe dashamirës të sportit,

Me shumë kënaqësi ju njoftoj me Drejtorin e ri të Sportit në Kryeqytet, Bardh Krasniqi.

Bardhi, një ish basketbollist i shquar në skenën vendore e ndërkombëtare vjen në këtë pozitë si profesionist për ta quar edhe më përpara fushën e sportit.

Ai do të punojë  në  ndërtimin dhe përmirësimin e infrastrukturës sportive në  kryeqytet, për të mundësuar zhvillimin e aktiviteteve të ndryshme e të shumta këtë vit në Prishtinën tonë, e shpallur “Qytet i Sportit”.

Po ashtu, Bardhi do të angazhohet për realizimin e projekteve për ta bërë kryeqytetin gati për “Lojërat Mesdhetare 2030”, gjë që jemi të  bindur se do t’ja arrijë fal sukseseve akademike në  Stamboll, dhe profesionalizmit të tij të treguar ndër vite në themelimin, menaxhimin e shumë kompanive dhe projekteve në fushën e telekomunikimit brenda dhe jashtë  vendit.

Falënderoj për punën e palodhshme deri tani në drejtorinë e sportit, ish drejtorin Granit Rugova.

Drejtoria për Sport – Komuna e Prishtinës. /Arbresh.info/