Deputetja nga Lidhja Demokratike e Kosovës (LDK), Hykmete Bajrami ka kërkuar nga Presidentja, Vjosa Osmani që të mos e dekretojë Ligjin për Skemat Pensionale i miratuar nga Kuvendi.

Bajrami përmes një njoftimi në Facebook tha se “edhe Ligji nr. 08/L-248 për ndryshimin dhe plotësimin e Ligjit nr.04/L131 për Skemat pensionale të financuara nga shteti mbetet diskriminues për shkak të pikës 2.4. në Nenit 8/A.”, shkruan Arbresh.info.

Sipas saj, opozita tentoi që ta ndryshojë këtë nen në mes të dy leximeve mirëpo, siç tha ajo nuk patën sukses.

“Edhepse deputetët e opozitës tentuan ta ndryshojnë këtë nen në mes të dy leximeve nuk patën sukses andaj Ligji nr. 08/L-248 për ndryshimin dhe plotësimin e Ligjit nr.04/L131 për Skemat pensionale të financuara nga shteti mbetet diskriminues dhe si të tillë presidentja nuk duhet ta dekretoj – duhet të ia kthej Kuvendit.”, shkroi deputetja opozitare./Arbresh.info