Pas disa muajsh bllokade dhe katër seancash të dështuara pas aktgjykimit të Kushtetueses, deputetët e Kuvendit të Kosovës zgjodhën dje kryetarin e ri të këtij institucioni.

Dimal Basha mori postin, duke siguruar votat e nevojshme për të udhëhequr Kuvendin dhe duke lënë pas përpjekjet e pasuksesshme të Albulena Haxhiut, Donika Gërvallës, Hekuran Muratit dhe Arbërie Nagavcit.

Ai u zgjodh me 73 vota, përfshirë edhe mbështetjen e disa deputetëve nga Partia Demokratike e Kosovës dhe Aleanca për Ardhmërinë e Kosovës.

Megjithëse zgjedhja e tij u përshëndet nga figura politike rajonale dhe përfaqësues diplomatikë, mungesa e një urimi nga Lëvizja Vetëvendosje tërhoqi vëmendjen.

Lideri i kësaj partie, Albin Kurti, ende nuk ka bërë asnjë reagim publik për Bashën, edhe pas më shumë se 24 orësh nga zgjedhja e tij si kryeparlamentar.