Një person i dyshuar është arrestuar nga policia e Ferizajt pasi u kap me armë të ftohta dhe rezultoi i kërkuar me urdhër gjyqësor.
Policia ka bërë të ditur se rreth orës 01:50 të ditës së sotme, gjatë patrullimit në magjistralen Ferizaj–Prishtinë, në fshatin Prelez i Jerlive, patrulla policore iu përgjigj një informate për një mosmarrëveshje dhe vuri re një person që tentoi të largohej. Pas një ndjekjeje rreth dy kilometrash, i dyshuari, A.I., 27 vjeç, u ndalua dhe u arrestua.
“Gjatë kontrollit, te i dyshuari u gjetën një thikë me këllëf dhe një shufër metalike, të cilat janë sekuestruar. Verifikimi i dokumentacionit ka treguar se ai ishte i kërkuar nga Gjykata Themelore në Ferizaj për veprën penale “Vrasje në tentativë”, për të cilën ishte dënuar me tre vite e gjashtë muaj burgim”, thuhet në njoftim.
I dyshuari është intervistuar për veprën penale “Mbajtja në pronësi, kontroll ose posedim i paautorizuar i armëve” dhe më pas është dërguar për të vuajtur dënimin e shqiptuar.
Sulmohen fizikisht dy zyrtarë policorë në Kaçanik, njëri dër...
Vengu: Bashkëpunimi me SHBA hap mundësi të reja për trupat s...
Teheran i qetë pas protestave, arrestimet dhe bllokimi i int...
I ofroi 5 euro ryshfet policit në Vërmicë, arrestohet i dysh...
Jurgen Klopp, objektivi i Real Madridit
Rama paralajmëron ndryshime kushtetuese, thotë se nga 140 de...