Një person është arrestuar në Gjilan për kontrabandim me migrantë, raporton Policia e Kosovës.

Sipas Policisë, të dyshuarit në veturën e tij gjatë kontrollit i janë gjetur shtatë migrantë nga Sudani dhe Siria të cilët kishte qenë duke i transportuar në pjesën lindore të Kufirit me Serbinë.

Pas intervistimit me vendim të prokurorit i dyshuari është dërguar në mbajtje, ndërsa personat janë dërguar në Qendrën për migrantë në Vranidoll

“SPMK, Gjilan (NN) 27.12.2022, 23:25. Është arrestuar i dyshuari mashkull kosovar pasi që gjatë kontrollit në veturën e tij kishte pasur shtatë persona migrantë nga Sudani dhe Siria të cilët kishte qenë duke i transportuar në pjesën lindore të Kufirit me Serbinë. Pa intervistimit me vendim të prokurorit i dyshuari është dërguar në mbajtje, ndërsa personat janë dërguar në Qendrën për migrantë në Vranidoll”, thuhet në raportin 24 orësh të PK./arbresh.info/