Një person është arrestuar në Deçan pasi që dyshohet se ka shitur në treg të zi tri armë zjarri, raporton Policia e Kosovës.

Sipas policisë, i dyshuari gjatë intervistimit ka deklaruar se dyshon që persona të panjohur kanë hyrë në shtëpinë e tij dhe i kanë vjedhur armët, shkruan Arbresh.info.

I dyshuari është liruar ndërsa rasti është duke u hetuar.

“Deçan 28.01.2025-12:00. Është arrestuar i dyshuari mashkull kosovar nën dyshimin se i njëjti ka shitur në treg të zi tre (3) pistoleta të cilat i kishte me leje të lëshuara nga organi përkatës. I dyshuari është intervistuar dhe ka deklaruar se ai dyshon se të dyshuar të panjohur, kishin depërtuar me forcë në shtëpinë e tij, me ç’rast edhe i kishin vjedhur armët e lartcekura të shitura. Me vendim të prokurori, i dyshuari është liruar në procedurë të rregullt. Rasti nën hetime”, thuhet në raportin 24 orësh të Policisë së Kosovës./Arbresh.info