Policia e Kosovës me një komunikatë për media ka njoftuar se ka arrestuar një të dyshuar për krime lufte në Kosovë, përcjell Arbresh.info.

I dyshuari është arrestuar sot, rreth orës 12:30 në fshatin Lubozhdë të komunës së Istogut.

Gjatë kohës së luftës në Kosovë, i dyshuari ishte komandant i nënstacionit policor në fshatin Rakosh të këtij qyteti.

Komunikata e plotë:

Hetuesit policorë nga Drejtoria për Hetimin e Krimeve të Luftës (DHKL), kanë arritur që sot, më 05.08.2023, rreth orës 12:30, në fshatin Lubozhdë të komunës së Istogut të lokalizojnë dhe të arrestojnë të dyshuarin Ž.Z., viti i lindjes 1954, i dyshuar për veprën penale “Krime lufte kundër popullatës civile” të kryer gjatë vitit 1998-1999 në Komunën e Istogut, përcjell Arbresh.info

I dyshuari gjatë kohës së luftës në Kosovë në vitin 1998-1999 ka pasur pozitën e komandantit të Nën Stacionit Policor në fshatin Rakosh të Komunës Istogut. I njëjti është sjell në zyrat e DHKL-së ku pritet të intervistohet në cilësi të dyshuarit në prezencë të avokatit mbrojtës./Arbresh.info/