Policia e Kosovës ka arrestuar një 25 vjeçar në Pejë për veprën penale “vrasje në tentativë”

Sipas policisë,  i dyshuari mbrëmë e kishte goditur qëllimisht me veturë një person, duke i shkaktuar lëndime të rënda, e duke ikur më pas, shkruan Arbresh.info.

“Më datë 16. dhjetor 2023 rreth orës 23:22, Policia është informuar se në rrugën “ UÇK ” në Pejë ka ndodhur një incident. Policia menjëherë iu ka përgjigjur vendit te ngjarjes dhe me të arritur në atë lokacion nga viktima dhe dëshmitaret kanë kuptuar se i dyshuari e kishte goditur me veturë viktimën me ç ‘rast i kishte shkaktuar lëndime të renda trupore dhe është larguar nga vendi i ngjarjes.”, thuhet në njoftimin e policisë.

Viktima është dërguar për tretman mjekësorë në Spitalin Rajonal në Pejë.

Ndërkaq, pas këqyrjes së vendit të ngjarjes, janë mbledhur dëshmi si dhe është sekuestruar automjeti i të dyshuarit.

Pas intervistimit të të dyshuarit në prezencën e Avokatit mbrojtës, me urdhër të Prokurorit shtetit i është caktuar masa e ndalimit prej 48 orësh./Arbresh.info/