Arrestohet i dyshuari në Gjilan që përfitoi mijëra euro kinse për shërim

18:27 | 21 Shkurt 2023
E.H

Një person është arrestuar sot në Gjilan, pasi që dyshohet se i njëjti, duke përdorur rrjetet sociale ka postuar foto të personave me emra të rremë, kinse kanë nevojë për ndihmë mjekësore duke kërkuar mbështetje financiare

B.K (1992) nëpërmjet kësaj mënyre ka arritur që të përvetësoj një shumë të konsiderueshme të parave.

“Pas arrestimit i dyshuari është intervistuar në bazë të procedurave ligjore. Në lidhje me rastin është njoftuar Prokurori i Shtetit i cili ndaj të dyshuarit ka lëshuar masën e ndalimit për 48 orë dhe ndaj të njëjtit do të ngritët kallëzim penal për veprën penale ‘’Mashtrim’’ dhe rasti do të procedohet në Prokurorinë Themelore. Rasti vazhdon të hetohet”, thuhet në njoftim./arbresh.info