E plotësuar- Lajmin për arrestimin e Krasniqit e ka konfirmuar edhe Lëvizja Vetëvendosje nëpërmjet një komunikate për media.

Në njoftimin e kësaj partie thuhet:

“Është arrestuar Frashër Krasniqi, drejtuesi i Sekretariatit për Media dhe Komunikim i Lëvizjes VETËVENDOSJE!.

“Frashëri është marrë nga policë civilë rreth orës 17:00 teksa po dilte nga televizioni 21 ku ishte i ftuar që të flasë mbi protestën e së mërkurës. Tash, kur kanë mbetur vetëm 40 orë deri në protestën e madhe të opozitës së bashkuar, përndjekja e aktivistëve si përpjekje për ta ndalur e dobësuar protestën e 17 shkurtit po vazhdon. Këto sulme e përndjekje që shtohet sa herë opozita përgatitet për kundërshtim nuk kanë efekt. Opozita nuk ndalet dhe protesta do të jetë madhështore.”

(I)

Me urdhër të EULEX-it para pak çastesh ka filluar arrestimi i një numri të madh të aktivistëve të Lëvizjes Vetëvendosje.

Ndër të arrestuarit e parë është zëdhënësi i Vetëvendosjes, Frashër Krasniqi. Këtë e ka konfirmuar për Arbresh.Info, aktivisti i VV-së, Dardan Kuçi.

Ende nuk dihet arsyet e këtyre arrestimeve, meqë aksioni është duke vazhduar ende.