Dy persona janë arrestuar në Lipjan pasi që u janë gjetur dhe sekuestruar 10 qese të vogla me substanca narkotike të përgatitura për shitje, raporton Policia e Kosovës.

Sipas policisë, është bastisur edhe shtëpia e njërit prej të arrestuarve, shkruan Arbresh.info.

Pas intervistimit, të dyshuarit janë dërguar në mbajtje për 48 orë.

“Lipjan, 11.01.2025 – 20:00. Janë arrestuar dy te dyshuar meshkuj kosovar pasi që gjatë kontrollit te njëri i dyshuar janë gjetur dhe konfiskuar dhjetë(10) qese te vogla me marihuanë të përgatitura për shitje. Është bastisur edhe shtëpia e të dyshuarit të dytë pasi që dyshohet se i njëjti e kishte angazhuar të dyshuarin e lartcekur për shitjen e narkotikëve. Pas përfundimit te intervistimit me vendim të prokurorit kujdestar, të dyshuarit janë dërguar në mbajtje për 48 orë”, thuhet në raportin 24 orësh të Policisë së Kosovës./Arbresh.info