Arrestohen dy persona në Kaçanik, u gjenden në veturë tri armë zjarri dhe municion

21:09 | 11 Qershor 2023
E.H

Dy persona janë arrestuar pasi dyshohet se kanë shtënë me armë zjarri në fshatin Strazhë të Kaçanikut.

Siç thuhet në njoftimin e Policisë, në drejtim të fshatit Strazhë kanë ndaluar një xhip Opel Frontera me targa vendore, ku në të ishin katër persona.

Gjatë kontrollit, tek dy persona janë gjetur tri armë zjarri, dy pistoleta dhe një pushkë gjuetie dhe sasi e municionit.

“Dy të dyshuarit V.K dhe B.T meshkuj, kosovarë, të moshës 37, janë shoqëruar në stacionin e policisë në Kaçanik për intervistim, me dyshimin se kanë përdorur armë të zjarrit, ndërsa janë konfiskuar edhe armët”, thuhet në njoftim.

Me vendim të prokurorit kujdestar nga Prokuroria Themelore në Ferizaj, të dyshuarit janë liruar për procedurë të rregullt hetimore, ndërsa rasti është cilësuar “Përdorim i armës” .