Nataliya Apostolova, Shefe e Zyres së BE-së në Kosovë/Përfaqësuese e Posaçme e BE-së do vazhdojë takimet me shefat e grupeve dhe komisioneve parlamentare, duke takuar  përfaqësuesit e NISMA-s dhe Listës Serbe.

Qëllimi i takimeve është të kuptohen prioritetet e përbërjes së re të Kuvendit, të informohen deputetët me prioritetet e BE-së për periudhën e ardhshme dhe të diskutohen mënyrat se si BE-ja në Kosovë mund të mbështesë deputetët në zbatimin e reformave që ndërlidhen me axhendën evropiane. Këto reforma rrjedhin nga Marrëveshja e Stabilizim Asociimit (MSA) dhe mekanizmat përkatës – Agjenda e Reformës Evropiane (ERA) dhe Programi i Reformës Ekonomike (ERP); Strategjinë e Zgjerimit dhe Raportin për Kosovën; Udhëzimet për drejtësinë, lirinë dhe sigurinë; Agjendën e Nderlidhjes; dhe dokumentet tjera relevante.

Takimet me NISMEN dhe Listen Serbe do të mbahen sot dhe nesër, më 30 e 31 tetor 2017, si më poshtë:

E hënë, 30 tetor 2017

14.00-15.00         Takim me përfaqësuesit e NISMA-s

Kuvendi i Kosovës, Salla S1 (takimi i hapur për media)

Shefi i Grupit Parlamentar NISMA, Bilall Sherifi

Kryesuesi i Komitetit për Punë të Brendshme, Siguri dhe Mbikqyrje të Forcës së Sigurisë së Kosovës, Haxhi Shala

E martë, 31 tetor 2017

15.00-16.00         Takim me përfaqësuesit e Listës Serbe

Kuvendi i Kosovës, Salla S1 (takimi i hapur për media)

Nënkryetar i Kuvendit, Sllavko Simiq

Shefi i Grupit Parlamentar të Listës Serbe, Sasha Millosavljeviq

Komisioni për të Drejtat, Interesat e Komuniteteve dhe për Kthim, Igor Simiq