Associated Press i ka kushtuar një shkrim kërkesës së Kosovës që të futet në hartën e Apple.

AP shkruan se ministrja e Jashtme e Kosovës tha se ajo i kërkoi Apple për përfshirjen e vendit të saj në hartën e Apple.

Ministrja Meliza Haradinaj postoi në faqen e saj në Twitter të dielën se ajo i kishte shkruar një letër Drejtorit të Përgjithshëm të Apple Tim Cook “për të ndërmarrë hapa të menjëhershëm për të paraqitur saktë kufijtë e njohur ndërkombëtarisht të Kosovës në Shërbimin e saj AppleMap.”

Në ato harta, Kosova paraqitet si pjesë e Serbisë, diçka që ministrja tha se ishte “në kundërshtim të drejtpërdrejtë me realitetet politike dhe ligjore”.

Kosova, e dominuar nga shqiptarët etnikë, shpalli pavarësinë nga Serbia në vitin 2008, një veprim i njohur nga rreth 100 vende – por jo nga Serbia, shkruan tutje AP.

Haradinaj përmendi që ofruesit e tjerë të shërbimeve digjitale si LinkedIn, Twitter, Facebook, Spotify kishin përditësuar “platformën dhe opsionet e tyre për të përfaqësuar saktë Republikën e Kosovës si një shtet sovran dhe të pavarur”.

Apple nuk i është përgjigjur ende kësaj kërkese.