Anulimi i festivalit “Mirëdita, dobar dan”, Kamberi: Dëshmi e regresit demokratik që po e shkakton mentaliteti millosheviqian

19:04 | 27 Qershor 2024
E.G

Deputeti i vetëm shqiptar në Parlamentin e Serbisë, Shaip Kamberi ka reaguar pas ndalimit të festivalit “Mirëdita, dobar dan” në Beograd nga Ministria e Punëve të Brendshme të Serbisë.

Me anë të një postimi në Facebook, Kamberi tha se kjo dëshmon regresin demokratik të cilin po e shkakton mentaliteti millosheviqian i viteve të ‘90-ta, shkruan Arbresh.info.

“Për herë të parë, që nga fillimi i organizimit të Festivalit “Mirëdita, dobar dan” në Beograd, sot, 10 vite më vonë, i njejti u ndalua nga Ministria e punëve të brendshme e cila udhëhiqet nga Ivica Daçiq. Kjo edhe një herë e dëshmon regresin demokratik të cilin po e shkakton mentaliteti millosheviqian i viteve të ‘90-ta.”, ka shkruar ai./Arbresh.info/