Ministrja e Punëve të Jashtme dhe Diasporës, Meliza Haradianj-Stublla, ka propozuar emrat të rijnë për të drejtuar diplomacinë kosovare.

Në mesin e tyre është edhe Laura Kryeziu-Selimi anëtare e Aleancës për Ardhmërinë e Kosovës.

Arbresh.info ka raportuar për këtë propozim nga ministrja Haradinaj-Stublla, por këtë nga ministria e Punëve të Jashtme dhe Diasporës nuk e kanë mohuar e as pohuar.

Në një përgjigje për Abresh.info kanë thënë se janë në fazën finale të të konsultimeve për përzgjedhjen e ambasadorëve të rinj.

Burimet e Arbresh.info, brenda Ministrisë thonë se Laura Kryeziu-Stublla është propozim nga AAK-ja, me miratim e Meliza Haradinaj-Stublla.

“Ministria e Punëve të Jashtme dhe Diasporës është në fazën finale të konsultimeve për përzgjedhjen e ambasadorëve të rinj. I gjithë procesi po zhvillohet konform procedurave të parapara ligjore. Deri tash, siç e ka konfirmuar edhe zyrtarisht Presidenca sot, nuk ka asnjë emër të dërguar për ambasadorë nga MPJD”, kanë thënë për Arbresh.info nga zyra e ministres.

Se kur do të marrin pozitën e re ambasadorët e rijnë në Ambasadat në SHBA, Angli, Tokyo e Bruksel, nuk ka dhen detaje

“Ministrja znj.Meliza Haradinaj-Stublla garanton proces të drejtë, transparent dhe në respekt të plotë të procedurave ligjore dhe kushtetuese dhe secilin vendim të saj do ta marrë në konsultim të plotë me Kryeministrin e vendit, ashtu siç e parasheh ligji dhe Kushtetuta”, ishte përgjigja nga MPJD.

Ndryshe, kryeministri Avdullah Hoti ka thënë se për emërimin e djalit të deputetit Haxhi Shala, si Konsull i Përgjithshëm në Pragë të Çekisë,  nuk ka qenë në dijeni dhe se për këtë është njoftuar nga mediat.

Reagojnë nga presidenca pasi djali i Haxhi Shalës emërohet konsull në Pragë

Kosova pa “zot shpie” në Uashingon, Londër, Bruksel e Tokio